அமைதி பிடிக்காமல்

போகும் மௌனிப்பது

நீயானால் 

பார்வையில் பட்ட சில காட்சிகள் :

பிள்ளையாரோடு பேரம் பேசும்
பரீட்சை நேர மாணவன்
மதிப்பென்னுக்கு ‍‍‍ தேங்காய்
.....................................................

  
வியர்வை வழிய தள்ளும்
காய்கறி வண்டியின் முன்
"சுமை சுகமானது" வாசகம்
.....................................................

வண்ண வண்ண பூக்கள்

விற்கிறாள் விதவை பூக்காரி    

வெள்ளை புடவையில் 

.....................................................

மழைக்கு பயந்து ஒதுங்கியது

ஆடு கசாப்பு கடை

என்பது தெரியாமல்

......................................................

 

பனித்துளி

இரவு விடைசொன்னது
ஈரமான கண்களோடு
புல்வெளி

பெண்ணே...

மௌனம் கூட ரசிப்பேன்
பேசாமல் மௌனிப்பது
நீயாய் இருந்தால்..

பிரசவம்

சிறந்த கவிதை

ஒவ்வொன்றும்
தலைப்பிரசவம் போல